嘉渢 - 小趣事

2015年6月9日
嘉渢是一位好眼瞓會出聲要上床瞓覺的男孩子。但近日他太想玩，唔願去瞓，但少少事就發脾氣，就喊，就知道佢十分攰，需要休息。嘉渢已經可以控制到去小便，好少失手，就連半夜，會叫醒我去廁所，如果媽媽不在房裏，佢會主動出來搵媽媽，如廁後就抱他上自己床也沒有扭計，立即去瞓，真係十分值得讚賞。每次都瞓在自己的床上。就算在溜冰場外好急去廁所，都可以忍到回家先去。

2015年5月28日
嘉渢好喜歡食叉燒，媽媽食晚飯時，桌上有叉燒就不停叫要食叉燒，到俾佢一塊，想俾一塊妹妹時，佢就唔願意，我回應佢「要食完口中的叉燒才俾，先俾妹妹，還有叉燒俾你」，但佢又未吞得切，但又唔想我把手上的一塊叉燒俾妹妹。之後我立即第二隻手拎了第二塊叉燒，佢就好安心地俾妹妹食了叉燒，佢就好快地食第二塊叉燒。

2015年5月21日

在地鐵廣告燈箱前，渢渢不停問：「咩呢0架！」，足足連續問我十多次，媽媽覺得很開心，你有進步了，多發問，對身邊事物好奇，媽媽好開心。小朋友有時會自問自答，有時哥哥問，妹妹應，又時妹妹又問，哥哥又再問，總之就好可愛呀！

2015年5月12日
媽媽買了金蘋果回家，渢渢見到就要食，話要大口大口咬。姐姐切完，媽媽轉頭出來就見到只淨一塊，本想拿來食，見渢渢好大反應。之後便問：「可唔可以請媽媽食」，佢就笑著俾媽媽。乖孩子，同媽媽分享好味的水果。