大囡嘉嘉的六歲生日

2014年5月21日是大囡嘉嘉的六歲生日。

早幾個月已經係度諗要唔要為大囡開一個生日會。如果開可以去藍灣會所租宴會廳，準備食物，遊戲就可以。

為了四月份去北京參加溜冰比賽，之前的準備，大量金錢花費在參加比賽。生日會就停下來。

五月份有中國舞表演，而生日當天剛好要在台上綵排，更本無時間去慶祝，因此提早六天，一家五口去 outback 食飯。但遲遲媽媽都未準備生日禮物。

因為做工作紙，令媽媽話講過可以唔算數，媽媽唔需要去為你準備生日。

知道大囡也想有人同佢唱生日歌，有人同佢慶祝生日，因此有打算在中國舞綵排後，同其他小朋友一齊切蛋糕，雖然好簡單，但都希望佢開心。

對一個媽媽來講，囡囡生日的意義是什麼？是媽媽努力十月懷胎，生下囡囡。係媽媽同爸爸的關係的更進一步。係俾個機會自己去做一個媽媽，去圓滿做人要做的事。去俾自己有更多嘢做，但都處理唔好，所有事都做得錯漏百出。

我知道每年這個日子，我都必然會去回憶起那天生下佢的過程。

最後，爸爸準備了蛋糕，買了外套作為禮物，而媽媽準備了湯碗，湯匙，方形碟，Lucky Pig  系列，婆婆有裙，衫，中國服，頭飾，還有露比的 Kitty 文章套裝，雪希雪心的 Minnie 外出餐具，令到嘉嘉都好開心。