比較過不同牌字的奶泵??

唔同牌子都有MAMA話好...  點揀呀？？？

其實點揀泵，我覺得似男朋友，你覺得好唔係人認同，真係唔試過唔知，人人唔同。

想講手擠奶好重要，記得生完叫姑娘教識你，因為要擠到奶，你要知乳線係邊，當你明白道理，去到邊個泵都幫到你。不過，希望奶媽們可以成功埋身餵到人奶，呢樣先係最直接最有效的方法。

開頭一個月係最辛苦的時期， 媽媽要學習餵奶，又要認識BB，又要自己休息，要各方面都做到盡善盡美係唔容易，所以爸爸要多多照顧及愛護太太。如果BB在身旁，最好也是埋身餵奶，這樣才能長久及對媽媽BB最好。

如果是在職媽媽，產後上班，最好是使用雙電泵來幫忙，會比較慳時及慳力，希望也有最大產量。上班泵奶，最好是4小時一次，唔好多過6小時。我自己係中午1點多及下午5點去泵奶，返到家就全埋身。